Бүгінде еліміз ветеринария қызметін дамытуға баса көңіл бөліп келеді, деп хабарлайды 24kz.

Бұл қатарда кадрларды даярлауға және мамандарды әлеуметтік қолдауға ден қойылған. Ветеринариялық кадрларды даярлау еліміздің 11 жетекші жоғары оқу орнында жүргізіледі. Оқыту сапасын арттыру мақсатында пәндердің 30%-тен астамы салалық сарапшылармен бірлесіп оқытылады, ал практикалық оқыту 700-ден астам кәсіпорын базасында өтеді. 2024-2025 оқу жылына шамамен 300 млрд теңге сомаға 1335 білім беру гранты бөлінді.

Сонымен қатар кәсіптік 32 колледжді жыл сайын 1200-ге жуық маман бітіреді. «Жас маман» бағдарламасы бойынша 14 колледжде фермерлік шаруашылықтармен және ветеринариялық станциялармен ынтымақтастықта дуалды оқыту жүйесі енгізіліп жатыр. Биоқауіпсіздік бойынша цифрлық жаттықтырғыштар мен модульдер білім беру процесіне белсенді интеграциялануда. Жұмысшы мамандықтар жылы аясында 10 колледжде жабдық жаңартылды, тағы 15-ін жаңғырту жоспарланған.