Ел ішінде ірі-қараның жаппай ауырып жатқаны туралы ақпарат тарауда. Бірқатар өңірлерден тұрғындар мал арасында әлсіздік, сырқат белгілері байқалып, ветеринарлардың тіркеу жүргізіп жатқанын айтып отыр.
Ауыл шаруашылығы вице-министрі Аманғали Бердалин бұл жағдайға қатысты пікір білдіріп, мал ауруын киікпен байланыстыруға негіз жоқ екенін айтты. Оның сөзінше, ірі-қараның ауыруына күтім, қарау және басқа да факторлар әсер етуі мүмкін.
Алайда жергілікті тұрғындар киік жоқ аймақтарда да малдың ауырып жатқаны жөнінде хабарлап отыр. Бұл жағдай әлеуметтік желілерде түрлі пікір мен күмән тудырып, қоғамда сұрақ көбейген.
Қазіргі таңда нақты себеп ветеринарлық тексерулер мен ресми қорытындылардан кейін ғана белгілі болмақ.
