Францияда ірі қара мал қырыла бастады.
Себеп жұқпалы ауру тараған. Осыған байланысты бір миллиондай мал басына вакцина салынбақ. Кесел ошағы Испаниямен шекаралас От-Гаронна өңірінде анықталды. Жалпы билік малды жаппай жою керек деген шешімге келген. Бірақ шаруалар тракторлармен тас жолдарды жауып, үкіметтен өзге шараларды қолға алуды талап етіп жатыр. Шығынды өтеуге берілетін қаржылай көмек мардымсыз дейді олар. Жәндіктерден тарайтын вирус адам үшін қауіпсіз, бірақ шаруашылыққа зияны көп. Ал елдің ауыл шаруашылығы министрі аймақта 1,5 миллион мал басы жойылады, қалғанына екпе салынады деп отыр.
