Мүшәйраға қатысатын ақындардың жасына шектеу қойылмайды.

Қазақстан Кітапханалар одағы мен Қазақстан Жазушылар одағы Ұлттық кітапхананың 115 жылдығына орай "Жүлгесі үзілмеген 115 жыл" республикалық ақындар мүшәйрасы өтеді. Оған ұсынылған үздік туындылар арнайы жинаққа енеді.

Мүшәйраның басты мақсаты – ұлттың руханиятын, кітап оқу мәдениетін және қазақ поэзиясын насихаттау арқылы қоғамның әдеби-мәдени өмірін жандандыру.

Ереже бойынша, мүшәйраға Қазақстанның кез-келген ақыны қатыса алады. Бірақ, бір бағыт бойынша бір ғана өлең қабылданады. Сондай-ақ, шығарма көлемі қатысты қатаң шарт қойылмағанымен, ол қазақ тілінде жазылуы тиіс.

Мүшәйра бағыттары:

• "Ұлттық кітапхана – мәңгілік қазына";
• "Кітапханашы – рух шырақшысы".

Шығармалар 15 желтоқсанға дейін қабылданады. Жалпы жүлде қоры – 1 миллион теңге.

Оқи отырыңыз:

• Қазақстанда кітапхана және архив ісі бойынша гранттар саны екі есе артты
• Ұлттық кітапхана Мұхтар Әуезовтің ғылыми кабинетін жабу туралы ақпаратқа жауап берді