ҚР Қаржы нарығын реттеу және дамыту агенттігінің Төрағасы Халықаралық қаржы корпорациясының (IFC) Түркия және Орталық Азия бойынша директоры Вибке Шлёмер ханым бастаған делегациямен кездесу өткізді.

Кездесу барысында тараптар инвестициялық қорлар саласындағы өзара ынтымақтастықты нығайтуға бағытталған маңызды құжат – Консультациялық қызмет көрсету туралы келісім-хатқа қол қойды.

Аталған келісім аясында IFC:

• Қазақстанға инвестициялық қорлар жүйесін дамыту бойынша ұсынымдар дайындайды;

• Мемлекеттік және жеке сектор өкілдерімен бірлесіп консультациялар өткізеді;

• Қаржы нарығының реттелуі мен тұрақтылығын арттыру бағытында техникалық қолдау көрсетеді.

Кездесу барысында қос тарап:

• ESG стандарттарын Қазақстанның қаржы жүйесіне енгізу;

• Микроқаржы ұйымдарын банктік институттарға айналдыру;

• Заңнама мен нормашығару жұмыстарына IFC тарапынан көрсетілетін жәрдем мен сараптамалық қолдауды,

• Сондай-ақ екіжақты ынтымақтастықтың ағымдағы нәтижелерін кеңінен талқылады.

Агенттік пен IFC арасындағы бұл серіктестік Қазақстан қаржы нарығының институционалдық дамуына серпін беріп, инвестициялық климатты жақсартуға ықпал етпек.