Қытайда пранк түсіремін деп басы дауға қалған блогер Аружан Айбекова өз әрекетін түсіндірді.

Бұл туралы ол Stan.kz сайтына берген сұхбатында айтты, — деп хабарлайды Caravan.kz медиа порталы.

«Қысым көрсеткен жоқ, бірақ сәл қорқыныш болды. Оқиғаны түсіндіріп, қайда болғанымызды сұрады. Біз қаланың орталығында, өзіміздің арбат сияқты жерде болдық. Менің түрімді скриндап алыпты, солай мені тауып келді. Барлығы қытайша сөйлеп, сөйлеп жатыр. Біз түсінбейміз. Төлқұжатымызды алып, барлығын жазып алды. Жағдайды түсіндіріп, біз Қазақстанда да осындай пранк түсіреміз, Қытайға әдейі келген жоқпыз» деп айттық. Түсініктемеде Қытайға не үшін келдің, қандай мақсатта келдің, не үшін келді деген сияқты сұрақтар болды. «Екі типтегі сіздің видеоңыз Қытай халқының ашуын тигізді және дұрыс емес мағлұматтар жетті. Сіз ол жақта біреудің денесіне қол сұғу болған, қолынан ұстаған видеоңыз халықтың ашуын тудырды» деді. «Бұрыннан контент, пранк түсіремін. Қытайға ешқандай жаман қылып түсіру мақсатым емес» деп түсіндіріп айттым. Ескерту салынды, «Біздің елге келіп, контент түсіріп, Қытайды танытып жатқаныңызға қуаныштымыз. Бірақ, осы екі типтегі видеоны түсірмеңіз» деген ескерту жасалды. Келесі күні Қытайдың барлық БАҚ беттерінде тарап кеткен», — деді блогер.