Қос мемлекет арасындағы қақтығыс әлем назарын аударғалы қашан?

Тіпті, есепсіз ұшқан зымыранның салдарынан жанжал сәт санап ушығып барады, деп хабарлайды inbusiness.kz сайты.

Иранның Ислам революциясы сақшылары корпусы (IRGC немесе КСИР) Тель-Авивтің кей бөліктеріндегі тұрғындарды эвакуациялауға шақырды.

Бұған дейін Израиль армиясы әлеуметтік желілер арқылы Тегеранның бір ауданындағы әскери нысандарға соққы жасалатынын хабарлап, халыққа шұғыл ескерту жасаған-ды.

Осылайша, КСИР Израильдің әуе кеңістігін толық бақылауға алғанын мәлімдеп отыр. Иран аталған мәлімдемені Израильге жасалған соңғы зымыран соққысынан соң жария еткен. Бұл шабуыл олардың Израиль аспанын бақылауға алғанын толық дәлелдесе керек.

Израиль Қорғаныс армиясы түнгі уақытта Иран тарапынан шамамен 25 зымыран екі кезең бойынша бір сағат аралығында атылғанын хабарлаған. Шабуылдан соң нақты қандай зардап туындағаны туралы ақпарат жоқ. Әзірше жарақат алу бойынша шақыртулар түспегені айтылады.

Ұлыбританияның сыртқы барлау қызметі – M1I6-тың бұрынғы басшысы Джон Сойерс BBC-ге берген сұхбатында Израиль Ирандағы кейбір аса маңызды ядролық нысандарға шабуыл жасамағанын, өйткені олар терең жерасты бекіністерінде орналасқанын жеткізген.