АҚШ президенті Дональд Трамп Иранмен келісім жасау мәселесінде асығыстыққа жол бермеу қажет екенін мәлімдеді. Бұл туралы ол Truth Social әлеуметтік желісіндегі парақшасында жазды, деп хабарлайды Egemen.kz.
Ақ үй басшысының айтуынша, Тегеранмен нақты мәміле жасалғанға дейін Ормұз бұғазындағы ирандық кемелерге қойылған шектеу сақталады.
Дональд Трамп соңғы уақытта Вашингтон мен Тегеран арасындағы байланыстың кәсіби әрі нәтижелі сипат ала бастағанын атап өтті. Оның мәлімдемесі АҚШ пен Иран арасында Ормұз бұғазын ашуға қатысты ықтимал бейбіт келісімге жақындағаны жөніндегі ақпараттардан кейін жарияланды.
Трамп Польшаға қосымша 5 мың әскер жібермекші
БАҚ таратқан деректерге сәйкес, алдын ала әзірленген жоспар шеңберінде кемелердің бұғаз арқылы өтуіне 60 күн бойы қосымша төлемсіз рұқсат беру қарастырылған. Сонымен қатар Иран мұнай экспортын қайта жандандыру көзделіп отыр.
Есесіне Тегеран теңіз жолдарының қауіпсіздігін қамтамасыз етіп, акваторияны миналардан тазартуға міндеттеме алуы керек. Алайда ақпарат көздерінің мәліметінше, тараптар бірқатар негізгі шарт бойынша әлі ортақ мәмілеге келе алмаған.
Еске салайық, қазақ қызы АҚШ-тың Словениядағы төтенше елшісі болды.
