Тегеранда Иранның бұрынғы президенті Махмуд Ахмадинежад шабуыл құрбаны болды. Әзербайжан телевидениесінің мәліметі бойынша, ол көшеде болған атыс кезінде қаза тапқан, деп хабарлайды El.kz интернет порталы.

2025 жылдың 13 маусымында таңғы уақытта Израиль «Арыстан халық» операциясы аясында Иранның ядролық және әскери инфрақұрылымдарына әуе соққыларын жасады. Бұл шабуыл нәтижесінде Ислам революциялық гвардиясы корпусының Бас штабы басшысы Хоссейн Салами мен Азад ислам университетінің ректоры Мохаммад Техранчи қаза болды.

Дегенмен кейбір БАҚ өкілдері Махмуд Ахмадинежад емес, шын мәнінде Иранның ядролық бағдарламасында маңызды рөл атқарған Ферейдун Аббаси көз жұмғаны туралы жазуда.

Сарапшылар мұны ақпараттық соғыстың бір бөлігі деп отыр.

Бұған дейін екі елдің әскері мен қаруын салыстырғанбыз.