Президент Дональд Трамп Израиль премьер-министрін соттан уақытша арашалап қалды, деп хабарлайды 24kz.

Axios басылымының дерегі бойынша Ақ үй басшысы осы елдің прокуратурасын сынап, Биньямин Нетаньяхуға қарсы көпжылдық қылмыстық істі тоқтатуды талап еткен. Әйтпесе, Израильге қару беруді доғаратынын ашық ескерткен. Бұл мәлімдемеден кейін сот отырысы кейінге шегерілді. Биньямин Нетаньяхуның үстінен қылмыстық іс 2019 жылы қозғалған. Еврей үкімет басшысы «пара алды» және «алаяқтық жасады» деген күдікке ілініп отыр. Ал, президент Трамптың мәлімдемесін израильдіктер елдің ішкі мәселесіне араласу деп бағалады.

Блиц 1:

- Трамп Иранды жеңуге көмектесті. Десе де, оның Израильдің ішкі мәселесіне араласуына хақысы жоқ. Біздің қоғамда адамдардың өз пікірі бар. Егер Нетаньяху кінәлі олса, ол өз жазасын өтеуі тиіс.

Блиц 2:

- АҚШ Израильге үнемі қомақты қаржы бөледі. Сондықтан біз оларға қатты тәуелдіміз. Қандай да бір шешім қабылдауда Американың Израильге ықпалы азаймай тұр.