Абай облысы Бестерек ауылында болған жол-көлік оқиғасына қатысты сот үкімі шықты.

Көлік жүргізушісі 9 жылға бас бостандығынан айырылып, зардап шеккен отбасыларға 50 миллион теңге көлемінде өтемақы төлеуге міндеттелді. Бұдан бөлек, сот үкімімен жүргізуші 7 жыл мерзімге көлік басқару құқығынан айырылды. Қайғылы жол апаты 19 тамызда Бестерек ауылында болған еді. Оқиға салдарынан аулада ойнап жүрген алты баланы көлік қағып, төртеуі көз жұмды. Балалардың өліміне себепкер болған жүргізушінің жүрек талмасы ұстап қалғаны және 2013 жылдан бері эпилепсия диагнозымен есепте тұрғаны айтылды.