Семейдегі орталық көшелердің бірінде жүк көлігінің бір бөлігі шұңқырға түсіп кетті, деп хабарлайды 24kz.

Жазда cол маңайда жылу жүйесіне жөндеу жүргізілген екен. Алайда асфальт қайта төселмеген. Полиция мәліметінше, көлік жүргізушісі аман-сау. Болған жайттың анық-қанығы анықталып жатыр.

Самат Әмренов, Патрульдық полиция батальоны командирінің орынбасары:

- Жер опырылып, салдарынан 37 жастағы жүргізушінің басқаруымен 15 тонна топырақ тиеп бара жатқан жүк көлігі шұңқырға түсіп кеткен. Тек материалдық шығын келтірілді. Адамдар зардап шекпеген. Оқиға орнына дереу жетіп, шұңқырға қоршау қойдық.