Израильдің Йеменге шабуылынан хуситтердің үкімет басшысы Ахмед Галеб әл Рахви, сондай-ақ бірнеше жоғары лауазымды шенеунік қаза тапты.

Олардың арасында бірнеше министр бар. Еврей әуе күштері ел астанасы Санадағы Хадда ауданын бомбалаған. Шабуыл хуситтердің үкімет отырысы өтіп жатқан уақытта жасалды. Израиль қорғаныс министрі Исраэль Кац «Йемен Иранның тағдырын қайталайды. Бұл бастамасы ғана» деп мәлімдеді. Алайда хуситтер премьер-министрі үшін кек қайтармақ. Айта кетейік, хуситтер Газа секторындағы ХАМАС-қа қолдау білдіріп, Израильге аракідік әуе соққысын жасап келеді.