Қасым-Жомарт Тоқаев Президенттің Ауғанстан бойынша арнаулы өкілі Еркін Тұқымовты қабылдады. Кездесуде арнаулы өкілге аталған елмен сауда-экономикалық және гуманитарлық салаларда өзара тиімді ықпалдастықты жолға қою тапсырылды. Сондай-ақ Президент Алматы қаласында ашылған Орталық Азия мен Ауғанстан үшін орнықты даму мақсаттары жөніндегі БҰҰ аймақтық орталығының мүмкіндіктерін кеңінен пайдаланудың маңызына тоқталды. Мемлекет басшысының айтуынша, Қазақстан Ауғанстандағы қауіпсіздік пен тұрақтылықты сақтау үшін гуманитарлық және білім беру бастамаларын жалғастыра беруге ниетті.

Нұрсұлтан Тілектес