Моңғолия Қазақстанның цифрландыру, жасанды интеллектіні дамыту, экология, ауыл шаруашылығы сияқты салалар бойынша заң шығарудағы тәжірибесіне қызығушылық танытып отыр. Астанаға ресми сапармен келген Моңғолияның Ұлы Мемлекеттік Хуралының төрағасы осылай деді. Кездесуде Парламентаралық ынтымақты дамыту жайын сөз еткен екі тарап достық топтарының жұмысын күшейту туралы уағдаласты. Сондай-ақ, парламентшілер туризм бағытындағы әріптестікті нығайту, екі елдің экономикалары үшін кадрлар даярлау және технологияларды дамыту мүмкіндіктерін талқылады.Кездесу қорытындысында тараптар Парламент Мәжілісі мен Ұлы Мемлекеттік Хурал арасындағы ынтымақтастық туралы меморандумға қол қойды.

Оңғар Алпысбайұлы