Қостанай облысының Құсмұрын ауылында заманауи «Келешек мектебі» ашылмақ. Бұған дейін мыңан аса бала ескі ғимаратта оқып келген. Мұнда екі негізгі білім беретін мектеп бар. Соның бірі соғыс жылдары госпиталь салынып, кейін білім ошағына айналған. Мамандардың айтуынша, ешбір стандартқа сай емес. Бұл жерде 300-ге жуық бала қазақ тілінде білім алады. Енді олар келер оқу жылын жаңа ғимаратта бастайды. Құрылыс тамыз айында аяқталуы тиіс.

Ләззат Серікова, Құсмұрын жалпы білім беру мектебі директорының м.а.:

Мектепке жиһаз алмағалы біраз жыл болды. Ескі парталар, тақталар және терезелер де көріп тұрғандарыңыздай ескі. Енді алдағы оқу жылында біз жаңа мектепке кіреміз деген ойдамыз.Әрине, бұл балалар үшін өте қуанышты жағдай.

300 орынға шақталған ғимарат бастауыш және жоғарғы сынып оқушыларына арналған екі блоктан тұрады. Төрт зертхана, төрт спорт алаңы, робототехник, стемлаборотория, каворкинг аймағы бар. Балалардың сапалы білім алуына барлық жағдай жасалған. Жалпы «Келешек мектептері» ұлттық жобасы аясында облыста 6 мектеп бар. Соның төртеуі пайдалануға берілді. Қалған екеуі биыл тапсырылады. Онда шамамен төрт жарым мың бала білім алады.

Досбол Құсайынов, Әулиекөл аудандық білім бөлімінің басшысы:

Жалпы осы мектепті салғаннан кейін бізде негізгі мектептер салынып болды. Енді тек қана мектептерге сол күрделі жөндеу, ағымдағы жөндеу жұмыстарын жүргізу үшін қаражат сұрап отырмыз. Күрделі жөндеу қажет ететін екі мектеп, бір балабақша бар.

Мәдина Нағашыбай