Ақтөбе облысындағы өзен-көлдерде биыл 367 құтқарушы қауіпсіздікті қамтамасыз етеді.

Қазір өңірдегі жағажайлар шомылу маусымына дайындалып жатыр. Алайда төтенше жағдайлар департаментінің сарапшылары әзірге тек 19 демалыс орнында суға түсуге рұқсат берген.

Ақтөбе облысында суға шомылатын 64 ресми орын бар. Бұл жағажайлардың барлығын сүңгуірлер зерделеп, су табанын қауіпті заттардан тазалап шыққан. Алайда халықаралық балаларды қорғау күні ашылатын шомылу маусымына барлығы бірдей дайын емес. Мамандар демалыс орындарында тиісті құтқару құралдары жоқ дейді.

Жанболат Төлепбергенов, облыстық ТЖД Азаматтық қорғаныс басқармасының аға офицері:

- Әр жағажайдың қосымша құтқару құралдары ол құтқару жилеті, шеңбері, арқан, көру вышкасы, содан кейін қалытқылардың орнатылуы және қалытқылардан тыс жерлерде "Қауіпті" белгілерінің орнатылуы, соынмен қатар ысқырық, бинокль қосымша осындай құралдар орналасуы керек.

Төтенше жағдайлар департаменті мамандары жағажайларда құтқарушы болуға ниет білдірген 70-ке жуық адамды оқытқан. Олар демалуға келген қонақтардың судағы қауіпсіздігін қамтамассыз етуі тиіс. Ал өзен бойындағы рұқсат етілмеген орындарды 400-ге жуық адам торуылдайды. Жедел жасақ сарбаздарымен қатар полицейлер, әскерилер мен волонтёрлер кезекшілікке шығады.

Мұратбек Оралбаев, учаскелік полиция инспекторы:

- Жаз маусымы басталғандықтан атты полиция аралайды. жоғары деңгейде жұмыс істейді. Оларда мопед те бар, квадрациклмен аралайды ғой. Бізбен бірге еріп жүреді. Біздер жаяу бағытта, автопатрульдер осы су жағаларында ұйымдастырамыз жұмысты. Неге десеңіз, адам көп жиналады жаз уақытында. Негізгі бұл жерде біздің басты мақсатымыз адамның қауіпсіздігі.

Суқоймалардың қауіпті тұстарына ескерту тақтайшалары орнатылды. Сонымен қатар шомылуға тиым салынғанына қарамастан демалушылар жиі келетін жерлерге 33 бейнебақылау камерасы орнатылды.

Мансұр Есқожин, Айнадин Молдабеков, Айбек Даутов