Тұрғындардың айтуынша, қазіргі қала мәртебесі мемлекеттік бағдарламаларға қатысуға және жас мамандарды тартуға кедергі келтіріп отыр.

1870 жылы Қарақамыс атауымен негізі қаланған Темір кезінде ірі сауда орталығы болған. Мұнда Ташкент, Бұхара, Уфа, Орынбор және Орск қалаларынан көпестер келген. Қаланың бай тарихынан XIX ғасырдың соңы мен XX ғасырдың басындағы тарихи ғимараттар әлі күнге дейін сақталған.

Солардың қатарында ескі мешіт, шіркеу және 1895 жылы салынған үй бар. Жергілікті тұрғындардың айтуынша, 1918 жылы бұл үйде қоғам және саяси қайраткер Мұстафа Шоқай қысқа уақыт тұрған.

Қазіргі таңда Темірде мектеп, екі балабақша және дәрігерлік амбулатория жұмыс істейді. Дегенмен, тұрғындар жас мамандарды тарту қиындап бара жатқанын айтады.

«Жастар конкурстарға онша белсенді қатыспайды. Бізде қала мәртебесі болғандықтан өте аз адам жүгінеді. Себебі ауыл мен қала арасында жалақыда айырмашылық бар», деп түсіндірді мектеп директоры Сандуғаш Тасбауова.

Сондай-ақ ол қала мәртебесіне байланысты Темір тұрғындарының ауылдарға арналған кейбір мемлекеттік бағдарламаларға қатыса алмай отырғанын атап өтті.

Алматыда 5%-дық ипотека беріледі: Жастарға арналған бағдарламаның шарттары қандай?

Еске сала кетейік, бұған дейін соңғы бес жылда 4 мыңнан астам білікті маман елден кеткенін жазған едік.