Ел бойынша заң талаптарын сақтамаған 622 стоматологиялық клиника тексеріледі. Бұл туралы Денсаулық сақтау минситрі әлеуметтік желіде мәлімдеді.

Ақмарал Әлназарованың айтуынша, соңғы уақытта, әсіресе жекеменшік стоматологиялық емханаларда балаларға жалпы наркозбен бірнеше тісті бір мезетте емдеуге қатысты арыздар жиілеген. «Алайда бұл қатаң медициналық көрсетілімдер бойынша ғана жүргізілуі тиіс күрделі емшара», — деп жазды министр.

Клиника жекеменшік немесе мемлекеттік болса да мұндай манипуляциялар үшін білікті анестезиологтың қатысуы, тиісті жабдықтардың болуы, анестезиологиялық және реаниматологиялық көмек стандарттарын сақтау талап етіледі. Қазір Бас прокуратураның талабы бойынша елдегі 622 нысанға қатысты жоспардан тыс тексерулер жүргізіліп жатыр.