Полицияның мәліметінше, жас жігіттің өліміне қатысты кешенді тергеу шаралары тағайындалған.

«Тиісті сараптамалардың қорытындысы бойынша процессуалдық шешім қабылданатын болады», делінген ПД таратқан ресми хабарламада.

Марқұмның туыстарының айтуынша, қайғылы жағдай елордалық Tem Dent емханасында болған. Мұрат Есболған есімді азамат тісін емдетуге келген кезде, дәрігерлер аллергиялық сынама (аллергопроба) жасамай-ақ препарат салған. Содан кейін жігіттің денесі тырысып, жағдайы күрт нашарлаған.

Естеріңізге сала кетейік, өткен жылдың күзінде Астанадағы жеке стоматологияда 18 тісі бірден емделген үш жасар қыз наркоздан кейін оянбай көз жұмған еді.