Шығыс Қазақстандық құтқарушылар көктемге дайындықты бастап кетті .

Олар қауіпті аумақтарда бөгеттерді нығайтып, арықтар мен суағарларды тазартуға кірісті. Өлкеде екі мыңнан астам өзен-көл бар. Глубокое ауданында осы күзде бірнеше шара жоспарланған. Қазір Тарханка ауылы маңындағы бөгет жаңартылып жатыр. Сонымен қатар суы арнасынан асып, тұрғындарды мезі қылған Глубочанка өзенінің ағысын реттеу жұмыстары басталып кетті. Мамандар ең алдымен тау суы қосылатын өзен-көлдерге ерекше назар аударып отыр.

Константин Боровиков, Глубокое ауданы ТЖ бөлімі бастығының м.а:

- Қазір Черемшанка ауылындағы Үлбі мен Быструха елді мекенінің жанынан өтетін өзендерде тасқынға қарсы шаралар күшейтіліп жатыр. Себебі ол жақ таулы және қыратты. Жағдай аяқ асты өзгеруі мүмкін. Әрі су басу қауіпі бар аумақта 30 үй орналасқан.