Ямайкада дүлей дауылдан үш адам көз жұмды
29.10.2025
Дүлей дауыл Ямайканың ойран топырын шығарды .
3 адам көз жұмды. Елде апаттық режим жарияланды. Желдің күші сағатына 295 шақырымға дейін жетті. Дауылдың арты су тасқыны мен көшкінге ұласты. Ағаштар құлап, ғимараттардың шатыры ұшқан. Жүздеген мың үй жарықсыз қалып, 6 мыңға жуық адам қауіпсіз жерге көшірілді. Бұл Ямайка тарихындағы ең жойқын дауыл саналады. Табиғаттың тосын мінезі мұнымен басылатын түрі жоқ. «Мелисса» дауылы бірнеше елге қауіп төндіріп тұр. "Әрі қарай Куба мен Багам аралдарына ығысады" дейді мамандар.
