Кей жерлерде бүршік жарған жеміс ағаштарын үсік шалды.

Түркияда 60 см-ге дейін қалың қар жауды, деп хабарлайды inbusiness.kz сайты.

Измир, Болу, Денизли және Адана облыстарында бір күнде 60 сантиметрге дейін қар жауып, бірқатар қалааралық жолдарда көлік қатынасы қиындады.

Ал Түркияның оңтүстік шығысындағы Газиантеп және Шанлыурфа өңірлерінде сұрапыл дауыл соғып, үйлердің шатырларын ұшырды. Ағаштар қопарылып, бір мешіттің мұнарасы құлады.

Газиантепте 22 жастағы қыздың үстіне шатыр қирандылары құлап, мерт болды. Дауыл кезінде 29 адам түрлі жарақат алған.