Газада үйінді астынан 280 адамның мәйіті табылды
19.10.2025
Газа секторында үйінді астынан 280 адамның денесі табылды. Сарапшылар тағы 10 мыңдай мәйіт табылуы мүмкін дейді.
Израиль мен ХАМАС арасында бітім күшіне енгелі аймақта тазарту жұмыстары басталды. Қазір техниканың жетіспеуіне байланысты, қаза тапқандардың денесін іздеп, қираған ғимараттардың арасынан алып шығару жұмыстары баяу жүріп жатыр. Газа секторының азаматтық қорғаныс басқармасының өкілдері халықаралық қауымдастықтан көмек сұрап отыр. Тазалау, құтқару, қайта қалпына келтіру шараларына қаражатпен қатар техника керек.
