Дауылдан Вьетнамға $330 млн шығын келді
14.10.2025
Вьетнамда «Матмо» тайфунынан келген залал 330 миллион доллардан асты. Табиғи апат кезінде 16 адам мерт болып, 15 тұрғын түрлі жарақат алды.
Тағы 200-ден астам адам із-түзсіз жоғалып кеткен. Дүлей жел мен су тасқынынан 250 мың үй бүлініп, 87 мың гектардан аса егістік алқабы жарамсыз болып қалды. Мектептер мен медициналық орталықтар қирап, халық әбігерге түсіп жатыр. Инфрақұрылымға да көп зақым келген.
