
Қазақстандықтар Қатарда ресми түрде жұмысқа орналаса алады, — деп хабарлайды Massaget.kz тілшісі.
Сенат екі ел арасындағы Қазақстаннан баратын жұмысшыларды Қатар мемлекетінде жұмысқа орналастыруды реттеу туралы келісімді ратификациялады. Құжат қазақстандықтарды Қатарда ресми жұмысқа орналастыру үшін құқықтық негіз бола алады және онда тараптардың өзара міндеттемелері көзделген.
Қатардағы жұмыс беруші жұмысшының жол жүру, қайтадан Отанына оралу шығындарын өз мойнына алады. Сонымен қатар, жұмысшыларды тұрғын үймен, көлікпен, медициналық көмекпен және ақылы демалыспен қамтамасыз етеді.
Келісімде мамандардың еңбек шарты, сондай-ақ, іс-қимылдарды үйлестіру және туындайтын мәселелерді шешу үшін бірлескен комитет құру көзделген.
Еске салайық, бұған дейін Қатарда 1,5 мың қазақстандық бар екені хабарланды.
Өзекті жаңалықтарды өз уақытында оқу үшін Facebook парақшамызға жазылыңыз!