«Ауыл» партиясы Мемлекет басшысы Қасым-Жомарт Тоқаевтың Қазақстан халқына арнаған биылғы Жолдауындағы бастамаларды кеңінен талқылады.
Жиынға саяси ұйымның Мәжіліс депутаттары, барлық өңірлік филиал активтері, сондай-ақ орталық аппараттың жауапты қызметкерлері қатысты. Отырыста елдің саяси жүйесін жетілдіру, бір палаталы Парламент құру, агроөнеркәсіптік кешенді дамыту, өңірлердің әлеуметтік-экономикалық ахуалын жақсарту, ауыл инфрақұрылымын жаңғырту және халықтың әл-ауқатын арттыру мәселелері назарға алынды. Отырыс барысында Мемлекет басшысы қойған міндеттерді жүзеге асыруға арналған нақты ұсыныстар әзірленіп, партия қызметінің алдағы басым бағыттары айқындалды.
Таңсәуле Серіков, ҚР Парламенті Мәжілісінің депутаты:
- Үлкен мәселелердің бірі жасанды интеллектіні ауыл шаруашылық деңгейіне енгізу. Қай салада? Қаншалықты бүгінгі таңда енген? Қаншалықты жұмыс істеп тұр? Қандай ғылыми жобалар бар? Қандай пайда әкеліп жатыр? Міне осы мәселелерді қарастырып отырмыз.
