Вьетанам орталығында алапат дауылдан қауіп күшейді, деп хабарлайды 24kz.
Дүлей желмен бірге жаңбыр құйып, су тасып жатыр. Ахуал, әсіресе, Нгеан провинциясында күрделі. Көшелер көлге айналған. Бүлінген ғимарат көп. Теңізден көтерілген толқынның биіктігі 2 метрге дейін жетеді. Қазір Вьетнамның бірқатар аймағында қауіптің жоғары деңгейі жарияланды. Әуежайлар жұмысын тоқтатып, мектептер жабылды. Жағаға жақын орналасқан елді мекендерден 30 мыңға жуық тұрғын көшірілді.
«Дауыл сағатына 166 шақырым жылдамдықпен соғады», — дейді метеорологтар. Табиғи апат қаупі төнген аудандарда дайындық шаралары күшейтілді.
