Ұлытау облысында «Қызылорда – Жезқазған» автожолының 200 шақырымнан астам бөлігі жөнделіп жатыр. Кейбір учаскелерде айналма жолдар ашылып, жаңа асфальт төселуде, көпір тіректері мен су өткізгіш құбырлар орнатылған.

Құрылыс материалдары отандық зауыттардан жеткізілген. Жалпы, былтыр Ұлытау облысында 162 шақырым жол салынып, жөндеуден өткен. Осы жылдың соңына дейін «Қызылорда – Жезқазған» трассасының 100 шақырымын реконструкциялау, «Ұлытау – Арқалық» автожолын орташа жөндеу және 148 шақырым жергілікті жолдарды қалпына келтіру жоспарланған. Жөндеу жұмыстарының қарқынымен танысқан Мәжіліс депутаттары ақылы жолдардан түскен қаражатты тек сол жолдарды жөндеуге ғана емес, халықаралық және республикалық маңызы бар тегін трассалардың жай-күйін жақсартуға да бағыттауды ұсынады.

Ерболат Сатыбалдин, Мәжіліс депутаты:

Кейін осыған байланысты барғаннан кейін сессия басталуы барысында жол саясатын реформалау жөнінде жүргізіліп жатқан заңға бірнеше ұсыныстарымызды береміз. Жалпы, жолда жүргізіліп жатқан жұмыстар қарқынды, жаман емес.

Елдос Есенбол