Талшықты көп тұтыну ішек қатерлі ісігінің даму қаупін азайтады. Бұл туралы хирург Хейни Юсеф Daily Mail-ге берген сұхбатында айтты, — деп хабарлайды Massaget.kz тілшісі.

Дәрігердің сөзінше, күнделікті талшықты көп тұтынатын адамдардың ішек қатерлі ісігіне шалдығу ықтималдығы төмен екені дәлелденген. Десе де бүгінде көптеген адамның рационына талшық жетпейді.

"Ұлыбританияда ересектердің көпшілігі күніне 18-20 грамм талшық тұтынады, ал норма — 30 грамм", — деді дәрігер.

Қауіпті аурудың алдын алу үшін маман күн сайын сұлы ұнын, жемістер мен көкөністерді, жаңғақ тұтынуға кеңес берді.

Маманның айтуынша, талшықты денсаулықты сақтаудың әмбебап құралы ретінде қабылдау керек. Ол ішекті тазартады, пайдалы бактерияларды қоректендіреді және сау ас қорыту қызметін сақтайды.

Еске салайық, бұған дейін де қатерлі ісікпен күресуге көмектесетін өнімдер аталды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!