Ұлытау облысында жабық бассейннің құрылысы басталды, деп хабарлайды 24kz.

Спорт нысаны Ұлытау ауданының орталығында бой көтереді. 2 мыңнан астам тұрғыны бар елдімекенде бұрын бассейн болмаған. Ауыл маңында суға шомылатын арнайы орын жоқ.

Жоба құны – 1 млрд 150 млн теңге. Қаржы «Ауыл – ел бесігі» бағдарламасы аясында республика бюджетінен бөлінді. Қазір іргетасы қаланып жатыр. Аумағы мың шаршы метр болатын нысан күніне 300 адамға дейін қабылдайды.

Аян Абжамалов, аудан әкімінің орынбасары:

- Жабық бассейн Ұлытау ауданына өте қажет. Алғашқы құрылыстардың бірі. Бұл салауатты өмір салтын қалыптастыру, жас жеткіншектерді жүзуге үйрету, уақыттарын тиімді пайдаланып, су спортын дамыту бағытында салынып жатыр.

Жауһар Есжанов, мердігер ұйым өкілі:

- Бұл енді жабық бассейн деп аталады. Ішінде екі бассейн бар. Біреуі 14 жасқа дейінгі балаларға, екіншісі 14 жастан жоғарыға. Құрылысты осы жылдың соңына дейін бітіруіміз керек.