Олар 2,1 тонна мыс құрамды материалды қолды еткен.
Сол арқылы кәсіпорынға 3,5 миллион теңгеден астам шығын келтірген еді, деп хабарлайды inbusiness.kz сайты.
Ұлытау облысында "Қазақмыс" нысандарынан мыс құрамды материал ұрлады" деп айыпталған 6 адамға қатысты сот үкімі шықты.
Сот кабинетінде жарияланған қаулыға сай, 2025 жылдың наурыз айында күдіктілер Жезқазған мыс балқыту зауытының шлак үйіндісі аумағына заңсыз кірген.
Ұрланған шикізат әуелі жалға алынған қоймаға жеткізіліп, кейін сату мақсатында Теміртауға тасымалданған. Десе де, күдіктілерді ұрланған затты түсіру кезінде Ұлттық қауіпсіздік комитетінің қызметкерлері ұстаған.
Тергеу барысында айыпталушылар кінәсін толық мойындап, прокуратурамен процестік келісім жасаған. Сот олардың әрқайсына 3 жыл 6 ай мерзімге бас бостандығын шектеу жазасын тағайындады. Кейін рақымшылыққа ілінулеріне байланысты жаза мерзімі 2 жыл 4 айға қысқартылған.
Кәсіпорынға келтірілген шығын толық өтелді.
