Қостанай облысының Құсмұрын ауылында келешек мектебі ашылды . Ұлттық жобамен салынған білім ошағы 300 оқушыға арналған. «Жабдықталуы жағынан қала мектебінен кем емес», — дейді мамандар. Осылайша, ауыл баласына сапалы, цифрлық білім алуға мүмкіндік жасалды.

Ауыл балалары бұған дейін соғыс жылдары салынған ескі ғимаратта оқыды. Алпыс жылдық тарихы бар нысанның тозығы жеткен еді. Енді міне Мемлекет басшысының бастамасымен қолға алынған Ұлттық жоба аясында ауылда сәулеті мен сәні келіскен жаңа мектеп бой көтерді.

Мариям Нұрқанова, мектеп директорының орынбасары:

- Қазіргі мектеп замануи жабдықтармен жабдықталған. Қазіргі кезде балалардың кез келген жаңағы инновациялық, мынау жасанды интеллекті қолдануға барлық жаңағы жан-жағынан жағдай жасалған. Сонымен қатар бұрыңғы кезде ауыл мектебімен қала мектебінің арасында өзгеріс болатын болса, қазір ауыл мектебі мен қала мектебі бірдей.

Жаңа мектептің ашылғанына ауылдықтар қуанып жатыр.

Ләйла Шебекова, ауыл тұрғыны:

- Келешек мектебі ауылда ашылады дегенге сенбедік. Алда енді бәрі көзіміздің алдында тұр. Өте керемет. Әр кабинет заманауи жабдықталған. Балаларға барлық жағдай жасалған. Өте ризамыз.

Мынау көркем еңбек кабинеті. Темір, ағаш жонып, кескіндейтін цифрлы технологияға негізделген құралдар көз қызықтырады.

Ганди Ербол, көркем еңбек пәнінің мұғалімі:

- Бізде жаңадан келген 3D принтерлер бар, одан кейін лазерлік станок бар. Бұл станоктар шағын келген, балаларға да, өзімізге де жұмыс істеуге ыңғайлы. Кез келген шағын бұйымдарды жасауға өте ыңғайлы.

Балалардың әсіресе робототехника үйірмесіне қызығушылығы басым. Қазіргі кезде мұнда 30 астам оқушы робот құрастыру, бағдарламау қабілетін шыңдап жүр.

Нұржігіт Қасымхан, оқушы:

- Бұл — дайын робот. Біз оның программасын, қозғалыс, биін өзіміз бағдарламаладық.

Назерке Көпболсынқызы, информатика және робототехника пәнінің мұғалімі:

- Балалар жаңа технологияны үйренген кезде қатты қызығады. Оларға шынымен инженерлік қызық. Қазір ұрпақтарға сөзбен түсіндіргеннен гөрі, көзбен көрген өте күшті. 3D принтерді алдарына әкеліп осылай көрсетіп береміз, жасап береміз. Мынау бізде кеме түріндегі брелок түрі. Әр бала өзінің жасаған мотивация ретінде кімнің программасы күшті болады, соныкін шығарып берём десем, олар таласып тұрып істейді бір-бірімен.

Жаңа білім ошағы төменгі және жоғарғы сынып оқушыларына арналған екі блоктан тұрады. Үш зертхана, төрт спорт алаңы, робототехник, стемлаборотория, каворкинг аймағы бар. Қысқасы балалардың сапалы білім алуына барлық жағдай жасалған.

Мағауия Қалиев, тілші:

- Қостанай облысында Ұлттық жоба аясында алты Келешек мектебі салынды. Соның екеуі ауылдық жерде бой көтерді. Бүгінде осындай сәнді, жайлы, барынша жабдықталған білім ошақтарында 4 мың 500 бала оқып жатыр.

Авторлары: Мағауия Қалиев, Сергей Трахтенберг