Қазақстанның банк секторы 2025 жылғы қаңтар–тамыз айларында салық төлегеннен кейінгі таза пайда көлемін 1,8 трлн теңге деңгейінде қалыптастырды. Бұл өткен жылдың осындай кезеңімен салыстырғанда 14,8%-ға көп, деп хабарлайды Skifnews.kz ақпарат порталы.

Тамыз айында банктердің пайдасы 223 млрд теңгені құрады. Бұл көрсеткіш 2024 жылдың тамызымен салыстырғанда 5,5%-ға аз. Дегенмен, шілде айында банк жүйесі жыл басынан бергі рекордтық нәтижеге қол жеткізіп, 262 млрд теңге пайда тапқан болатын.

Ұлттық банктің дерегінше, 1 қыркүйектегі жағдай бойынша банк секторының активтері 66,6 трлн теңгеге, ал міндеттемелері 56,8 трлн теңгеге жетті.