4 қыркүйек — бокстан әлем чемпионатының алғашқы күні.

Бұл туралы Caravan.kz медиа порталы хабарлайды.

Ұлыбританияның Ливерпуль қаласында өтетін әлем чемпионатының күндізгі сессиялары Қазақстан уақыты бойынша 16:00-де, ал кешкі сессиялары 22:00-де басталады.

Бүгін, яғни жарыстың алғашқы күні шаршы алаңға екі боксшымыз шығады. 54 келі салмақ дәрежесінде ел намысын қорғайтын Элина Базарова өзбекстандық боксшы Нигина Уктамовамен кездеседі. Ал ерлер құрамасынан 90 келіде бақ сынайтын Сағындық Тоғамбай жергілікті ағылшын боксшы Исаак Окомен қолғап түйістіреді. Екі жекпе-жек те кешкі сессияда өтеді.

Еске сала кетейік, 14 қыркүйекке дейін жалғасатын әлем біріншілігіне 68 елден 554 боксшы қатысып жатыр. Ерлер мен әйелдер арасында 20 салмақ дәрежесі бойынша үздіктер анықталады.