«Ата заңнан биік ештеңе жоқ».

Қасым-Жомарт Тоқаев Конституцияның 30 жылдығына арналған ғылыми-практикалық конференцияда сөз сөйледі. Жиын «Конституция және мемлекеттілік: құқық пен болашақ диалогы» атты тақырыпта өтті. Президент Конституция – мемлекеттігіміздің мызғымас тұғыры, Тәуелсіздігіміздің айнымас темірқазығы,-деді. Сондай-ақ басты саяси-құқықтық құжаттың тарихына тоқталып, заман ахуалына сай жаңа Ата заң қабылданғанын айтты. Оның жобасын талқылауға миллиондаған азамат қатысып, мыңдаған ұсыныс келіп түскен. Осы ретте тұңғыш Президент Нұрсұлтан Назарбаевтың табанды еңбегіне әділ баға берілу керегін де жеткізді. Ол Конституция қабылданған кезде Мемлекет басшысы ретінде шешуші роль атқарған.