Заң жобасы бастапқы редакцияда ұсынылған.

Парламенттің бірлескен отырысында "Қазақстан Республикасының Президенті туралы" Конституциялық заңының жобасы екінші оқылымда қабылдады, деп хабарлайды inbusiness.kz сайты.

"ҚР Президенті туралы" Қазақстан Республикасы Конституциялық заңының жобасы үстіміздегі жылдың 15 наурызда республикалық референдумда қабылданған Конституцияға сәйкес әзірленді.

"Конституциялық заңның жобасы Қазақстан Республикасы Президентінің және Вице-Президентінің құқықтық жағдайын айқындайды.Заң жобасы 8 тараудан және 43 баптан тұрады және қолданыстағы Конституциялық заңмен белгіленген құқықтық реттеудің негізгі қағидаттарының мирастық сабақтастығын сақтап қалды. Сонымен қатар, заң жобасын 2026 жылғы Конституцияның ережелеріне бейімдеуден және жаңа мемлекеттік билік институттарын құруға байланысты нормаларды енгізуден басқа, алдыңғы актіде түзілген өткен нормалар айтарлықтай пысықталып, редакциялық тұрғыдан жақсартылды", – деді Мәжіліс депутаты Үнзила Шапақ.

Парламент регламентінің 32-7-тармағына сәйкес бірлескен комиссия конституциялық заңының жобасы бойынша Парламент палаталарының тұрақты комитеттері мен депутаттарының ескертулері мен ұсыныстарын қарайды және қорытады.

"Бірлескен комиссияның қарауына депутаттар тарапынан ұсыныстар түспеді. Мәтін бойынша түзетулер мен ескертулер жоқ, заң жобасы бастапқы редакцияда ұсынылған", – деп атап өтті депутат.