Алматы облысында «Білім келешегі: адал азамат – кәсіби маман» атты тамыз кеңесі өтті

26.08.2025

Алматы облысында жыл сайын ұйымдастырылатын «Білім келешегі: адал азамат – кәсіби маман» атты тамыз кеңесі өтті. Жиында өткен оқу жылы қорытындыланып, білім саласының жаңа міндеттері талқыланды. Шарада үздік мұғалімдерге «Білім беру ісінің құрметті қызметкері» төсбелгісі мен алғыс хаттар табысталды.

Тамыз кеңесінде Оқу-ағарту вице-министрі Еділ Оспан мен облыс әкімі Марат Сұлтанғазиев білім беру жүйесін тұрақты дамыту заман талабы екенін жеткізді. Сонымен қатар ұрпақ тәрбиесінде ерекше орын алатын ұстаздарды марапаттап, мерейін өсірді.

Мейрамгүл Айнабекова, №11 орта мектептің информатика пәнінің мұғалімі:

Ұстаздық ету өте қиын. Ұстаз болу үшін, баланы түсіну үшін сол баламен бірге етене жұмыс істей білуіміз керек. Осындай үлкен табыстарға жетеміз. Мен еңбек жолымның арқасында көптеген шәкіртім жоғары оқу орындарын бітіріп, өздерінің мамандықтары бойынша еңбек етуде.

Облыстағы мектепке дейінгі білім беру мекемелерін қаржыландыруға 69,2 млрд. теңге қаржы бөлінді. Бұл қаражат балалардың сапалы білім мен тәрбие алуына, балабақшалардың техникалық базасын нығайтуға жұмсалмақ.

Арайлым Төлеубекова, облыстық білім басқармасының басшысы:

Мектепке дейінгі қамту бойынша ваучерлік қаржыландыру мәселесі қаралып отыр. Биылғы жоспарда ерекше білімді қажет ететін балаларға білімді одан сайын енгіземіз сабақтарға. Жұмысшы мамандық бойынша тағы да сабақтарымызға енеді.

Шәкірттердің қауіпсіздігін қамтамасыз ету бағытында да бірқатар жұмыстар атқарылып жатыр, — дейді облыс әкімі Марат Сұлтанғазиев.

Марат Сұлтанғазиев, Алматы облысының әкімі:

Биылғы жылы 525,1 млн. Теңге бөлінді. Оның ішінде 253,1 млн. теңге білім беру мекемелерін лицензияланған күзетке қосуға, 188,0 млн теңге бейнекамераларды жаңартуға, 84,0 млн теңге мекемелерді жедел басқару орталығына қосуға жұмсалды.

Мектеп –тәрбиенің киелі ордасы. Ұстаз – білім нәрінің қайнар бұлағы. Осы ретте облыста білім сапасын нығайтып, мұғалім мәртебесін арттыру бағытында нәтижелі жұмыстар атқарылып келеді.

Айдана Қуантхан

Related to this topic:

Latest to this topic: