Қазақстан ЖІӨ бойынша ТМД ішінде көш бастады
14.08.2025
Қазақстан жан басына шаққандағы жалпы ішкі өнім бойынша ТМД елдері арасында көш басына шықты.
Халықаралық валюта қорының ресми сайтында жарияланған статистика осындай. Дерекке сәйкес биыл елдегі көрсеткіш 14,77 мың доллар болса, көрші Ресейде 14,26 мың долларға тең. Жер қойнауы қара алтынға бай Түрікменстанда 13,34 мың доллар болса, Қытай Халық Республикасында — 13,69 мың доллар. Сарапшылар бұл секторда Қазақстанның экономикалық дамуын бірінші кезекте мұнай мен газ, уран және басқа да пайдалы қазбалардың экспортымен байланыстырады.
