Қазақстанда 75 жаңа мамандық пайда болды. Сұранысқа ие бағыттар негізінен елдің өнеркәсіп саласына енгізілді. Соның ішінде металлургия және тау-кен өндіру секторында, құрылыста заман талаптарына кадрлар бар. Еңбек нарығындағы соңғы жаңалықтарды.

Елдегі өнеркәсіп саласына 40 мыңдай маман қажет. Жаңа мамандықтар атласына сәйкес бұл бағытта қазірдің өзінде 75 тың бағыт тіркелген. Мысалы, металлургия және тау кен өндірісі саласында смарт жүйелерді әзірлеуші, роботтандырылған тау техникасының операторы, ал құрылыста BIG Data талдаушысы бар. Сондай-ақ Бизнес процестерді автоматтандыру нәтижесінде осы саладағы 40-тан астам мамандық өзгеріске ұшыраған.

Иран Шархан, ҚР Өнеркәсіп және құрылыс вице-министрі:

- Биыл 190 инвестициялық жобаны іске қосу барысында машина жасауда тағы 8 жаңа мамандық пайда болады. Мысалы, олардың қатарында 3D басып шығару, дәнекерлеу инженері, роботтандырылған жүйе операторы бар. Осылайша, қол еңбегінің автоматтандырылған еңбек түрімен ауысуы біртіндеп байқалуда. Ол қоғамдағы жұмысшы мамандықтар туралы түсінікті түбегейлі өзгертуге мүмкіндік береді.

Бүгінде елде 9 млн-нан астам адам жұмыспен. Бірақ Еңбек және халықты әлеуметтік қорғау вице-министрі Асқар Биахметовтың айтуынша, кей салаларда жалақы бәсекеге қабілетсіз, ал білікті мамандар жетіспейді. Әсіресе өңірлерде еңбек нарығында теңгерімсіздік байқалады. Оңтүстікте еңбек ресурстары шамадан тыс көп болса, солтүстікте жетіспейді. Ірі мегаполистерде ішкі көші-қонның әсерінен еңбек нарығы толыққан. Бұл әлеуметтік, тұрғын үй – коммунальдық және көлік инфрақұрылымдарына едәуір жүктеме түсіруде.

Асқар Биахметов, Еңбек және халықты әлеуметтік қорғау вице-министрі:

- Біздің алдымызда 2029 жылға дейін 3,3 млн азаматты жұмысқа орналастыру міндеті тұр. Жыл басынан бері 250 мыңнан астам адам жұмысқа орналасты, оның ішінде 38%-ы жастар (95,4 мың адам). Жыл басынан бері 196 мыңнан астам адам жұмыспен қамтуға жәрдемдесудің белсенді шараларымен қамтамасыз етілді.

Білім беру жүйесін еңбек нарығының талаптарына жақындату үшін оқыту бағдарламаларын да өзгерістер енгізілмек. Қазіргі бағдарламаларды кәсіптік талаптарға сәйкестендіру жұмыстары жүргізіліп жатыр. Соған сәйкес 11 мың білім беру бағдарламасы заманауи стандарттарға сай жаңартылды.

Авторлары: Ғазиза Мұхамеджанова, Ержан Қанапияұлы