Қатар астанасы Дохада Израиль мен ХАМАС арасында атысты тоқтату және тұтқын алмасу бойынша келіссөз өтіп жатыр. Алайда оның сәтті жүзеге асуы екіталай. Өйткені Израиль өз әскерін анклавтан толық шығармайынша ХАМАС-тың келісімге келер түрі жоқ. Әрі аймақта гуманитарлық көмектің тоқтауы жағдайды одан сайын ушықтырып жіберді.
Қатар және Мысыр тараптар арасындағы шиеленісті реттеуге тәулік бойы тырысып жатыр. Жалпы келісім 60 күн ішінде Изариль әскерін Газа секторынан толық шығарып, кепілдегі адамдарды босатуды көздейді. ХАМАС бұл шарттарды құптап отыр. Ал Израиль әзірге нақты жауап берген жоқ.
