Ормуз бұғазындағы коммерциялық кеме иелері шабуылдан қауіптенеді.

Сондықтан олар өтер кезде Қытай немесе Ресейден жүк әкеле жатырмыз деп мәлімдейді. "Рейтер" агенттігінің хабарлауынша, Иран мен Израиль арасында қақтығыс басталғалы бері 50-ден астам кеме қытайлық немесе ресейлікпіз деп өткен. Олар АҚШ, Ұлыбритания мен Израильдің азаматтарына Иран шабуыл жасайды деп қорқатынын айтқан. Осының алдында ресми Тегеран бейбіт бітім шарты бұзылса, американдық кемелер мен базаларға соққы жасаймыз және Ормуз бұғазын жауып тастаймыз деп ескерткен. Бұл хабарды "Нью-Йорк Таймс" басылымы таратты.