Шабуылға АҚШ әскерилерінің қатысы бары растады.

Танкердің Иран туымен жүзіп бара жатқаны жайлы ақпарат бар, деп хабарлайды inbusiness.kz сайты.

Мұны АҚШ-тың Орталық қолбасшылығы (CENTCOM) мәлім етті.

CENTCOM-ның Х әлеуметтік желісінде жарияланған хабарламасына сай, "Hasna" танкері халықаралық суларды кесіп өтіп, Иран портына бағыт алған кезде бақылауға алынған. АҚШ күштері кемеге бұғаттауды бұзғаны туралы ескерту жасағанын хабарлады.

"Hasna" кемесінің экипажы бірнеше рет ескерту жасалса да, талаптарды орындамаған.

– Америкалық күштер USS Abraham Lincoln (CVN 72) кемесінен ұшырылған F/A-18 Super Hornet ұшағынан 20 миллиметрлік зеңбіректен бірнеше рет оқ атып, танкердің рулін істен шығарды. Нәтижесінде, "Hasna" Иранға қарай бағытын жалғастыра алмады, – делінген хабарламада.

Қолбасшылықтың дерегінше, Иран порттарына кіруге немесе шығуға тырысатын кемелерге қатысты АҚШ-тың бұғаттауы күшінде қалып отыр. АҚШ 13 сәуірде Ормуз бұғазын бұғаттауды бастаған еді. Вашингтонның мәліметінше, Иранмен байланысы жоқ кемелер Тегеранға ақы төлемесе, бұғаз арқылы еркін өту мүмкіндігіне ие.