Министрліктің хабарлауынша, Нұрлан Санжарұлы қазақ мәдениеті мен өнерінің дамуына елеулі үлес қосқан көрнекті тұлға болды. Ол бүкіл ғұмырын шығармашылыққа, ұлттық руханиятқа арнап, кейінгі ұрпаққа тағылымы мол, құнды мұра қалдырды.

Өнер иесі қалың көрерменге режиссёр Абдолла Қарсақбаевтың «Менің атым Қожа» фильміндегі басты рөлі арқылы кеңінен танылды. Бұл туындыдағы бейнесі арқылы Нұрлан Сегізбаев қазақ кино өнеріндегі дара тұлғалардың біріне айналып, отандық кино тарихында айрықша із қалдырды. Оның экранда сомдаған көркем образдары бірнеше буын көрерменнің жадында сақталып, ұлттық өнердің алтын қорынан лайықты орын алды.

Мәдениет және ақпарат министрлігі марқұмның жарқын бейнесі, шығармашылық мұрасы мен ғибратты ғұмыр жолы халқымыздың жадында мәңгі сақталатынына сенім білдірді.