Тәркіленген балық салмағы 508 келі болды .

Жаңаөзенде жергілікті тұрғыннан бекіре балығы тәркіленді, деп хабарлайды Polisia.kz.

Бұл заңбұзушылық "Бекіре" жедел-профилактикалық іс-шарасы барысында анықталған.

"Маңғыстау облысының криминалдық полиция қызметкерлері Жаңаөзен қаласында сирек кездесетін балықтарды заңсыз сақтаған жергілікті тұрғынды ұстады. Тәркіленген балық салмағы 508 келі болды. Ер адамнан жарты тоннадан астам бекіре тәркіленді. Қылмыстық кодекстің 339-бабы бойынша сотқа дейінгі тергеу басталды", – деді ІІМ криминалдық полиция департаментінің бастығы Қанат Нұрмағамбетов.

ІІМ "Заң мен Тәртіп" принципі бойынша жұмысты жалғастырып жатыр.

Оқи отырыңыз: Есірткі тасымалдап жүрген бұрынғы математика пәнінің мұғалімі ұсталды