Республикалық бюджетке алынған трансферттер көлемі 4,9 трлн теңге болды.

Бұл туралы Ұлттық банктің төрағасы Тимур Сүлейменов Үкімет отырысында айтты, деп хабарлайды inbusiness.kz сайты.

"Жалпы халықаралық резервтер қарашаның соңында 125,7 млрд доллар болды, жыл басынан өсім 20,1% құрады. Ұлттық Банктің алтын-валюта резервтері 62,1 млрд долларға дейін 35,5%-ке, ал Ұлттық қордың активтері 63,6 млрд долларға дейін 8,1%-ке ұлғайды. Жыл басынан Ұлттық қорға 3,6 трлн теңге түсті, ал республикалық бюджетке алынған трансферттер көлемі 4,9 трлн теңге болды", – деді Тимур Сүлейменов.

Ұлттық қордың биылғы 11 айдағы инвестициялық кірісі 13,7%-ті, немесе 8,2 млрд долларды, яғни 4,2 трлн теңгеде эквивалентті құрады.