Тиісті жарлық жарияланды.

АҚШ президенті Дональд Трамп заңсыз сатылатын фентанил және оны жасауға қажетті негізгі прекурсорларды жаппай қырып-жояю қаруы деп танитын жарлыққа қол қойды, деп хабарлайды inbusiness.kz сайты Анадолы агенттігіне сілтеме жасап.

Бұл туралы Трамп Ақ үйдегі Доғал кабинетте АҚШ әскери қызметкерлерін марапаттау рәсімі кезінде айтқан. АҚШ президенті жыл сайын фентанилден 200 мыңнан 300 мыңға дейін адам қайтыс болатынын жеткізді. Сондай-ақ, Трамп президенттік қызметіне кіріскен кезден бастап АҚШ-тың мемлекеттік шекарасы қуатты бола түскенін мәлімдеді.

Осы жарлыққа сәйкес, Әділет министрлігі фентанилді заңсыз тасымалдауға қатысты тергеу мен қылмыстық қудалауды күшейтеді. Ал Қаржы министрлігі мен Мемлекеттік департамент бұл қызметке қатысы бар адамдар мен ұйымдарға қаржылық санкциялар енгізеді. Жарлық мәтінінде фентанил "есірткі затынан гөрі, химиялық қаруға жақын" деп сипатталған.