Өзбекстандық студент қаза тапты.

АҚШ-тың Род-Айленд штатындағы Провиденс қаласында орналасқан Браун университетінде болған атыс салдарынан қаза тапқан екі студенттің бірі – Өзбекстан Республикасының азаматы МұхаммадАзиз Умурзоқов. Бұл ақпаратты Өзбекстанның Сыртқы істер министрлігі растады.

Ведомство АҚШ-тағы елшілік марқұмның отбасына қажет қолдау көрсетіп жатқанын хабарлады.

Мәліметке сәйкес, МұхаммадАзиз Умурзоқов АҚШ-та өсіп, Вирджиния штатында мектеп бітірген. Ол Браун университетінің бірінші курс студенті болып, нейрохирургия бағыты бойынша білім алған. Марқұмның отбасына қолдау көрсету мақсатында GoFundMe платформасында қайырымдылық жинағы ұйымдастырылып, 3 мыңнан астам адамнан шамамен 135 мың доллар жиналған.

Оқи отырыңыз: Қонаевта атыс болды: полиция күдіктілерді іздеп жатыр

Браун университетіндегі атыс салдарынан екі студент қаза тауып, тағы 9 адам жарақат алды. Жараланғандардың бірі ауруханадан шығарылса, екіншісінің жағдайы ауыр, бірақ тұрақты деп бағаланып жатыр. Күдікті ретінде 24 жастағы бұрынғы әскери қызметкер Бенджамин Эриксон ұсталды.

АҚШ президенті Дональд Трамп оқиға туралы толық ақпарат алғанын айтып, бұл жағдайды "қорқынышты трагедия" деп атады және зардап шеккендер үшін дұға етуге шақырды.