"Астана Аренада" стадионында өткен "Қайрат" – "Олимпиакос" матчында ерекше жайт тіркелді.

Қазгидромет дерегінше, ойын күні ауа температурасы – 21°C градусқа дейін төмендеген, деп хабарлайды inbusiness.kz сайты.

Аталған кездесу Чемпиондар лигасы тарихындағы ең суық матч саналған.

Осыған дейінгі ең төмен температуралық рекорд 2007 жылы Мәскеуде өткен ЦСКА – "Арсенал" кездесуінде (-14°C) болған еді. Тағы бір ең суық матчтардың бірі 2010 жылы Донецкіде "Шахтер" – "Рома" арасында (-12°C) өтті.

Айта кетейік, "Қайрат" соңғы 2 үй кездесуін Астана қаласында өткізуді таңдаған болатын. Клубтың ресми мәліметінде Алматыдағы "Орталық стадионда" матч өткізу жанкүйерлер үшін де, алаң сапасы үшін де қолайсыз екені айтылған. Десе де, ойын күні Алматыда ауа температурасы 0…+3°C аралығын көрсетті.

Тағы бір тың дерек, "Қайрат" осы маусымда Чемпиондар лигасындағы жолы ең көп ұшатын команда атанып отыр. Клуб чартерлік сапарлармен жалпы 82 400 шақырым қашықтықты еңсермек.