Әлеуметтік желіде оқушылардың бірі екіншісін буындырып жатқаны көрінетін видео тарады, — деп хабарлайды Massaget.kz тілшісі.

Мән-жайы

Видео Шоқан Уәлиханов атындағы "Жас Ұлан" мамандандырылған мектеп-лицей-интернаты аумағында түсірілген. Желі қолданушылары бұл видеоға наразылық білдіріп, түрлі пікір жазып жатыр.

Білім басқармасы не дейді?

Абай облысы Білім басқармасы мәліметінше, видео 2023 жылы түсірілгені анықталған.

"Әлеуметтік желілерде оқушылардың бірі сыныптасына орынсыз әрекет көрсеткен ескі видео тарап жатыр. Бұл жағдай сол уақытта мектеп педагогтары тарапынан дереу қаралып, қажет түсіндіру жұмыстары жүргізілген. Екі оқушы да 2025 жылы оқуын аяқтады. Лицей әкімшілігі тәрбиеленушілердің өзара қарым-қатынасына үнемі бақылау жүргізеді", — деп жазылған хабарламада.

Аптаның басты оқиғалары мен пайдалы видеоларды көру үшін YouTube арнамызға жазылыңыз